மாற்றுத்திறனாளிகளின் காதலையும், பிரச்னைகளையும் உணர்வு ரீதியாக எடுக்கப்பட்ட படம்தான் குக்கூ. பத்திரிகையாளர் ராஜூமுருகன் இயக்கியுள்ள இப்படம் சிறிய படமாக இருந்தாலும், ரசிகர்களின் பேராதரவினால் தற்போது பெரிய படமாகி விட்டது. அதனால் திரையிடப்பட்ட அனைத்து ஊர்களிலும் தற்போது வசூல் சாதனை நிகழ்த்தி வருவதாக கூறுகிறார்கள்.
இதுபற்றி அப்படத்தின் தயாரிப்பாளர் கூறும்போது, ஒவ்வொரு நாளும் தியேட்டர்களுக்கு வரும் ரசிகர்களின் எண்ணிக்கை அதிகரித்துக்கொண்டே வருகிறது. அந்த வகையில், குக்கூ படம் திரையிடப்பட்ட 205 தியேட்டர்களில் வெள்ளி, சனி, ஞாயிறு, திங்கள் ஆகிய நான்கு நாட்கள் மட்டும் 5.7 கோடி வசூலாகியிருக்கிறது.
பாக்ஸ் ஆபீஸ் நிலவரப்படி, இதற்கு முன்பு வெளியான எங்கேயும் எப்போதும், ராஜா ராணி படங்களுக்கு அடுத்த இடத்தை தற்போது குக்கூ பிடித்துள்ளது. மேலும், ஒவ்வொரு நாளும் கலெக்சன் அதிகரித்துக்கொண்டே வருவதால், பல முந்தைய சாதனைகளை இப்படம் முறியடித்து விடும் வாய்ப்பு அதிகமாக உள்ளது என்கிறார்.
No comments:
Post a Comment